விக்னேஷ் சிவன் இயக்கத்தில், விஜய் சேதுபதி நடிப்பில் உருவாகியுள்ள திரைப்படம் 'காத்து வாக்குல ரெண்டு காதல்'. இத்திரைப்படத்தில் நயன்தாரா, சமந்தா இருவரும் நாயகிகளாக நடித்துள்ளனர்.
கடந்த டிசம்பரில் வெளியாகும் என எதிர்பார்க்கப்பட்ட நிலையில், பட வெளியீடு குறித்த எந்தவொரு தகவலும் இல்லாமல் போனது.
இந்நிலையில் 'காத்து வாக்குல ரெண்டு காதல்' படமானது வருகின்ற ஏப்ரல் மாதம் தியேட்டர்களில் வெளியாகும் என விக்னேஷ் சிவன் ட்வீட் செய்துள்ளார். அத்துடன் வருகின்ற பிப்ரவரி 11ஆம் தேதி இத்திரைப்படத்தின் டீசர் வெளியிடப்படும் எனவும் தெரிவித்துள்ளார்.
விஜய்சேதுபதி, விக்னேஷ் சிவன், நயன்தாரா கூட்டணியில் வெளியான 'நானும் ரௌடி தான்' திரைப்படம் மிகப்பெரும் வெற்றியடைந்தது. தற்போது இதே கூட்டணியுடன் சமந்தாவும் சேர்ந்திருப்பதால் திரைப்படத்தின் மீது அதிக எதிர்பார்ப்பு எழுந்துள்ளது.
இதையும் படிங்க: ட்விட்டரில் என்ட்ரி கொடுத்த ஷாலினி அஜித்?; மேனேஜர் விளக்கம்!
